Эн сай тоштер пашаеҥ-влакым саламленыт. Тоштер пашаеҥ-влак коклаште профессионал мастарлык конкурс кундемыштына 8 ий эртаралтеш. Тушто кугыжаныш, корпоративный, частный да школысо тоштер-влак участвоватлат. Тӱҥжӧ, тоштер шке региогнын историйже, тӱвыраже да геройжо дене палдарышаш. Таче тоштер-влак оҥай ончерым чумырышо, экскурсий дене турист-влакым вашлийше йодмашан вер. Эртыше ийын гына Марий Элысе тоштер-влак 350 тӱжем туристым вашлийыныт.