Пеледыш пайремлан тӱҥалтышым пуэныт. Эртыше каныш кечын Ленинград кундемыште илыше марий-влак Пеледыш пайремыш чумыргеныт. Ты поро йӱлам тушто 2013 ий гыч эртарат. Тӱҥ организатор - Ленинград кундемысе марий-влакын «Ший корно» калыкле тӱвыра автономийышт. 7 ий ончыч тушто эртарыме «Пеледыш пайрем» «бренд» статусым налын. Тений марий шӱлышан еҥ-влак Дубровка посёлкышто пайдалын каненыт.