Йошкар-Оласе аграрный колледжыште агроклассын икымше выпускникше-влаклан сертификатым кучыктеныт. Документым Йошкар-Оласе 10-шо номерын школын тунемшыже-влак налыныт. Агроклассыште тунемше-влак идалык мучко растениеводство, птицеводство, агроинженерий специальность дене шинчымашым погеныт. Ялозанлык технике дене палыме лийыныт, бизнес-планым возаш тунемыныт. Тунемше-влаклан занятий аграрный колледжыште эртен. Йошкар-Оласе 10-шо номеран школышто аграрный классым кодшо ийын почыныт. Тушто 27 тунемше шинчымашым поген.