Козьмодемьянск оласе Арнольд Муравьёв лӱмеш купеч быт тоштерыште страховой оҥа-влак ончер почылтын. Нуно тоштерын фондшо гыч улыт. Ончыктымо страховой оҥа-влак тӱрлӧ лийыныт. Козьмодемьянск оласе тоштерыште нуно квадратан, йыргешке, йыргешке-кужака, эшеже куд шӧрынанат улыт. Ожно нуным пӧртын тӱжвал пырдыжышкыже сакеныт. Пӧртым але тӧнежым могай страховой обществыште страховатлымым вигак пален налаш лийын. Страховой оҥа-влакым тӱҥ шотышто кӱртньӧ гыч ыштеныт.