Эртыше кечылаште Пензыште Юл кундемысе федерал округысо Молодёжный парламент-влак Ассоциацийын 11-ше заседанийже лийын. Заседанийын пашашкыже Марий Эл Республикын Кугыжаныш Погынжым вуйлатыше Михаил Васютин да Марий Элысе Молодёжный парламентын председательже Алексей Тришков ушненыт. Тиде гана каҥашыме тӱҥ теме семын самырык еҥ-влак коклаште тӱшка спорт вияҥмашым правовой йӧн дене саемден шогымо, тыгак еш поянлыкым чумырымо, самырык-влакым еш илышлан ямдылен шогымо шотышто йодыш-влакым ойыреныт.