Курыкмарий районысо Никон Игнатьев лӱмеш краеведений тоштерлан -30 ий. Тудо 1995 ий 10 июньышто литературно-художественный тоштер семын почылтын. Курыкмарий литературылан негызым пыштыше серызе Никон Игнатьевын шочмыжлан 100 ий темме лӱмеш почыныт. Илен-толын, тоштер лӱмжым вашталтен. 2009-ше ий гыч Курыкмарий район администрацийын Вуйлатышын пунчалже семын литературно-художественный тоштерым Никон Игнатьев лӱмеш краеведений тоштер маныныт.