Калыкын шонымашыжым – илышыш пурташ! Верысе инициативым илышыш шыҥдараш полшышо кугыжаныш программе почеш яллаште илыш шолеш. Ял шотан илем администраций-влак ятыр йодышым рашемдашлан тиде программылан эҥертат. Мутем Шернур район Нурсола ялысе «Вий-куат» лӱман памаш нерген. Памашым тӱзатыме пашам кодшо ийынак тӱҥалыныт, тений ты сомылым умбакыже шуят. Тидлан верысе инициативым илышыш шыҥдараш полшышо кугыжаныш программе полша.