Кугу Сенымашын 80-ше идалыкшылан да Шочмо элым аралышын идалыкшылан полеклалтше мероприятий-влак идалык мучко эртат. Республикысе марий тӱвыра рӱдер тений уэш «Салтак солык» республик кӱкшытан акцийым эртара. Тудо Марий Эл Республикын тӱвыра, печать да калык-влакын пашашт шотышто министерствын да Тимофей Евсеев лӱмеш Калыкле тоштерын полшымыж дене эртаралтеш.