Лӱмгечылан пӧлеклалтыше идалык. Марий книга издательствылан тений 100 ий. Шуко тӱрлӧ мероприятий, вашлиймаш-влак эртат. Савыктыш пӧртын пашаеҥже-влак Одо кундемыште эртыше книга фестивальыште лийыныт, Уфаште эртыше «Китап-Байрам» тӱнямбалсе книга ярмингашке миен коштыныт, а шукерте огыл «Марий книга издательстве» савыктыш пӧрт Москваште эртыше «Йошкар площадь» книга фестивальыш ушнен. «Йошкар площадь» фестиваль да Марий книга савыктышын 100 ияш лӱмгечылан палемдыме мероприятий нерген «Марий книга издательстве» савыктыш пӧртын директоржо Эдуард Иманаев каласкала.