Ыресан купол шке верыштыже. Советский районысо Алексеевский посёлкышто чоҥалтше храмыш светитлыме куполым нӧлталыныт. У черке преподобный Серафим Саровский лӱмеш ышталтеш. Эн кугу чоҥымо паша мучашлалтын, храм шке тӱсшым налын. Кызыт черке воктенсе кумдык ышталтеш. Верысе калыкын вучымо событийыште, ырес ден куполым черкывуйыш нӧлтымаште мемнан корреспондентна лийын.