Электрон «Шарнымаш книгам» чумыреныт. Тудын презентацийже «Герои Отечества» патриот-тоштер рӱдерыште лийын. Марий Эл Республикын вуйлатышже Юрий Зайцевын палемдымыж почеш, тиде архив веле огыл, а илыше проект. Тушко кажныже шке ешыжын историйжым пуртен кертеш. Электрон книгаш биографий, фотосӱрет, документ, Элым аралыше-влакын шарнымашышт пурталтын. У цифровой ресурсым чумырымаште тоштер, книгагудо пашаеҥ-влак, историк, краевед, журналист, муниципал кучем органын пашаеҥже-влак, кундемыштына илыше калык тыршеныт.