Калыкын тазалыкшым арален кодаш, ӱмыржым кужемдаш, колымашым шагалемдаш – тиде кугыжаныш социальный политикын тӱҥ задачыже-влак. Тачысе кечын тӱняште илыше кажне айдеме шке тазалыкше нерген эн ончычак шкеже азапланышаш да идалыклан кеч ик гана тергалтшаш. Диспансеризаций – калыкын тазалыкшым арален кодымаште системный паша. Тудын полшымыжо дене могай-гынат черым ончылгоч пален налаш лиеш. Шке тазалыкым идалык мучко тергаш лиеш. Тазалыкым тергыме кампаний кызыт Шернур район Чылдемыр ялысе врачебный амбулаторийыштат кая.