Казах тӱвыра да легенде пу скульптурышто. Казахстан республикысе Шымкент олаште ремеслянник-влакын тӱнямбал фестивальышт эртаралтын. Shymkent UstaFest-ыш (Шымкент Уста Фест) Россий да Монголий элла гыч кидмастар-влак ушненыт. Пу гыч тӱрлӧ скульптурым тыгак Казахстан, Узбекистан, Кыргызстан, Марий Эл республикын мастарже-влак пӱчкеденыт. Марий кундемын чапшым уста мастар Владимир Алманов арален. Тудо казах калыкын семӱзгарже, кобуз ден шоктышо казах ӱдырым ыштен. Конкурсын условийже почеш, скульптур Казахстан кундемын тӱвыражым, сем тӱняжым ончыктышаш. Скульптур ончылгоч ямдылыме эскиз почеш ышталтын.