26 май гыч 26 июнь марте - антинаркотический тылзе. Тиде жапыште шуко мероприятий эртаралтын. Антинаркотический тылзым 26 июньышто иктешленыт. Республикысе наркологий диспансерын специалистше-влак Йошкар-Оласе тӱвыра да каныме паркыште «Тазалык палатке» лӱман мероприятийым эртареныт. Тушто «Чистый билет» лӱман лоторей лийын, наркодиспансерын специалистше, психолог-влак ой-канашым пуэныт. СПИД- рӱдерын специалистше-влак шке площадкыштышт экспресс-тестым эртареныт, йодыш-влаклан вашмутым, памятке, наглядный материал-влакым кучыктеныт. «Йошкар ырес» тӧнеж палыдыме вещества дене аяргымаш годым, кузе икымше полыш пуымым ончыктен.