М. Шкетан лӱмеш Марий кугыжаныш драме театрын да М. Гафури лӱмеш Башкир академический драме театын артистше-влак «Дядя Ваня» («Ваня чӱчӱ») спектакль-коллаборацийым пырля модыныт. «Ваня чӱчӱ» постановкын режиссержо - Степан Пектеев. Мемнан дене ты спектальын премьерыже кодшо ий ноябрьыште лийын, а Башдраме театрыште постановко тений мартыште лектын. Кок театрын 16 артистше икымше гана кок йылме дене Уфаште, Мажит Гафури лӱмеш башкир академический драме театрыште спектальым модыныт.