Пеледыш пайрем 53 тӱжем утла еҥым чумырен. Марий Эл 105-ше гана Пеледыш пайремым палемден. Тудо кок кече шуйнен. Пайрем программе семинар дене почылтын. Тушко Юл да Урал кундемысе калык усталык пӧртым да рӱдерым вуйлатыше-влак чумыргеныт. Умбакыже пайремыш толшо фольклор коллектив-влак «Йыр куштымаш» фестивальыште мастарлыкыштым ончыктеныт. Пеледыш пайремын кокымшо кечыжым Агавайрем кумалтыш почын. А эн тӱҥ пайрем программе йӱлаш пурышо таҥошкылмаш дене ойыртемалтын. Пеледыш пайрем гыч Вера Горохован репортажшым ончаш темлена.