Козьмодемьянск олаште Марий Элысе художественный школлаште тунемше йоча-влакым пленэр чумырен. Тудо 23-шо июнь гыч 28-ше июнь марте лийын. Тиде - самырык сӱретче-влакын усталык сменышт. Республикын тӱвыра министерствыже да «Волгенче» уста йоча-влаклан рӱдер икшыве-влаклан каналташ да тыгодымак пленэрыште пашам ышташ сай йӧным келыштареныт. Усталык сменын ик кечаш пашаж дене мемнан корреспондентна Надежда Пекасова палдара.