Журналист, мер пашаеҥ, поэт Юрий Русановым шарныме лӱмеш тудын шочмо кушко верыштыже, Морко район Ӱшӱттӱрыштӧ концерт лийын. «Айдеме чон-кавасе шӱдыр» лӱман пайрем концерт тӱжем утла еҥым чумырен. Тиде кечын Юрий Русановын возымо почеламутшылан мурым колышташ, спектакльла гыч ужашым ончаш йӧн лийын. Родо тукымжо, йолташыже, пошкудыжо, лишыл еҥже-влак тудым порын шарналтеныт.