20 ияш лӱмгечылан кугу концерт. «Марий Эл Радио» черетан кеҥеж концертшылан ямдылалтеш. Тений тудо «Марий Эл» Ий полатыште 19 июльышто лиеш. Радио шке йӧратыме колыштшыжо-влакым кугу трибунеш поген, марий муро-куштымаш, тӱрлӧ пӧлек дене куандара. Сценыште палыме да сулло мурызо, тыгак самырык талант, фольклор ансамбль-влак чолгалыкыштым ончыктат. Технике могырым сай йӱк да тул лийшаш. Билетым ончылгоч всеконцерты.рф сайтыште онлайн але Ий полатын кассыштыже налаш лиеш.