Еш, йӧратымаш да ваш ӱшанле улмо кече. Российыште ты пайремым 2022-шо ий гыч официально палемдат. Тиде Муромысо православный святой-влак Петр ден Феврониям шарныме кече. Тиде кечын рӱдоланан Патриарший площадьыштыже еш-влакым саламленыт. Марий Элын вуйлатышыже Юрий Зайцев 7 наградым да окса сертификат-влакым кучыктен. «Мать-героиня» лӱм дене Звенигово район гыч 11 шочшан ава Елена ПыркОва палемдалтын. Тиде кечын тыгак мемнан республикысе 5 ешым «За достойное воспитание детей» Марий Эл Вуйлатышын почётан тамгаж дене палемденыт. А Эдуард ден Елена АлександрОвмытлан «Родительская слава» орденын медальжым кучыктеныт. Нуно 5 йочам ончен куштат.