Еш, йӧратымаш да ваш ӱшанле улмо кечын еш-влакым тоштерлаштат вученыт. Йошкар-Оласе калык арвер сымыктыш тоштер-пӧртыштӧ «Уло еш дене мемнан дек унала толза!» лӱман еш пайремым эртареныт. Тӱҥалтыште тоштер пашаеҥ-шамыч уна-влакым вашлийыныт. Йоча-влак турлӧ весела модмашыште участвоватленыт. Мутлан, йыр шогалын, комплимент, сай мут-влакым ойленыт. Викторине, конкурслаштат шкеныштын шинчымашыштым ончыктеныт. Толшо-влаклан мастарлык-классымат эртареныт. Кажныже шкаланже пӧлек шотеш кидшолым ыштен. Пытартышлан фотосессийымат ышташ йӧн лийын.