Кызыт цифровой технологий-влак мемнан илышышкына пеш вашке пурат. Марий йылмым шарымаште да арален кодымаште искусственный интеллектын верже изи огыл. «Ончыкылык цифровой технологий» лӱман шанче-практик семинар Валериан Васильев лӱмеш йылмым, сылнымутым да историйым шымлыше марий институтышто эртен. Цифровизаций Российысе калык-влакын йылмыштым шымлыме, аралыме да вияҥдыме шотышто сай шӱкалтыш. Семинар шанчыеҥ, информаций сферыште, тыгак мер пашаеҥ ден тӱвыра, туныктыш тӧнежлаште тыршыше-влакым чумырен. Тушто кузе цифровизаций паша кая, интернет кумдыкышто марий йылмын верже, тудым арален кодымаште да вияҥдымаште искусственный интеллектын верже да моло йодышламат онченыт.