Марий Элысе фольклор коллектив да кидмастар-влак «Земля предков» фестивальлан ямдылалтыт. Тений тудо Килемар районышто Церкысолаште, шуматкечын, 12 июльышто лиеш. Тушко Звенигово оласе Мастарлык пӧртын еҥже-влакат ушнат. Ушештарена, 2022 ийыште ты усталык мастаргудо пелен чумырымо студийын тӱрлызыжӧ-влак «Российын тӱрлеман картыже» акцийыш ушненыт, Марий Элын картшым тӱрленыт.