Шкеныштым сценыште ужшо да рольым чоҥаш кумылан тунемше-влакым Палантай лӱмеш тӱвыра да сымыктыш колледжышке вучат. Тений гыч тӱвыра да сымыктыш факультетыште «Актёр драматического театра и кино» целевой курсым пуртымо. Тудым Марий самырык театр дене пырля ыштыме. Тиде специальность дене тунемше ӱдыр-рвезе-влак ТЮЗ-ын сценыштыже шындыме мюзикллаште модаш тӱналыт. Кузе сымыктыш колледжыште палемдат, актёр семын шкеныштым терген ончаш толшо-влак ятыр улыт. Тиде курсым Марий самырык театрын артистше Александр Кожевников вӱдаш тӱҥалеш.