Тачысе самырык тукым – мемнан ончыкылыкна. Звенигово олаште 17-ше Марий самырык тукым слёт мучашлалтын. Слётын пашашкыже Российын 8 регионжо гыч 100 утла участник ушнен. Арня жапыште ӱдыр-рвезе-влаклан историй, этнопсихологий, марий йылме дене занятий-влакым эртареныт. Лидер койышым шуарымашлан да проект пашам возымашлан слётын программыштыже посна верым ойыреныт.