Эстраде мурызо да фольклор коллектив-влак - лӱмгече пайремыште. «Марий Эл Радион» концертше марте улыжат 4 кече кодын. Кугу мероприятийлан кузе организатор, тугак артист-влак кыртмен ямдылалтыт. Радион кеҥеж концертыштыже кажне гана икмыняр площадке пашам ышта. Тений уна-влакым йӱла почеш фольклор коллектив-влакат куандараш тӱҥалыт. Тыге, «Марий Эл» Ий полат воктенысе кумдык 19 июльышто кугу пайрем площадкыш савырна.