«Эҥерӱмбал ял шарна, кугешна…». Морко район Эҥерӱмбал ялыште пайрем-вашлиймаш эртен. Вашлиймашке тиде ялыште шочын-кушшо, кызыт ӧрдыж кундемыште илыше, пошкудо, родо, тора да лишыл кундемлаште илыше-влак толыныт. Таче Эҥерӱмбал ялын 23 суртыштыжо 50 наре еҥ ила. Лӱмлӧ еҥ-влакат ты ял гыч шукын улыт. Нунын коклаште Назарий Александров, Аркадий Букетов, Степан Ласточкин, Сергей Журавлёв, Олег Сергеев, Линда Николаева, Христина Александрова да молат. Ешарен каласем, ял пайрем Кугу Сеҥымашын 80-ше идалыкшылан да Шочмо элым аралышын идалыкшылан пӧлеклалтын.