Ми-8 вертолёт, Кугу Ачамланде сар годсо Фокке-Вульф, Як-4, реактивный Як-130 да самолётын тулеч моло модельжым «Ньюпор Кокорина» лӱман авиамодельный спортым йӧратыше-влакын фестивальышкышт ончыкташ луктыныт. Тудо Марий Эл да Виче кундемын чекыштыже эртен. Шкешотан авиашоу 15-ше гана лийын. Тений фестиваль у лӱмым налын. Тудо Икымше тӱнямбал сарыште чапым налше Николай Кокоринлан пӧлеклалтын.