Йошкар-Олаште «Диво России» Россий кӱкшытан 12-шо турист видео фестивальын полуфиналже эрта. Тудын дене пырля Йошкар-Олаште тыгак «Диво Мира» 3-шо тӱнямбал турист кинофестивальын специальный этапше лиеш. Россий деч тӱнямбал кинофестивальыште ончычсо ийласе «Диво России» ден «Диво Евразии» конкурслаште сеҥыше ден призёр-влак гына участвоватлаш праван улыт. Тений «Диво России» фестивальыш Российын 42 регионжо гыч участник-влак ушненыт. Нуно 200 утла пашам аклаш луктыныт.