7 гыч 13-шо июль марте Санкт-Петербургышто «Мисс и Миссис Великая Русь-2025» моторлыкым да талантым тергыше Российысе конкурс эртен. 50 наре участник лийын. Нунын коклаште Марий Эл Республикын чапшым курыкмарий ӱдыр Екатерина Мишакова арален. Эртыше конкурсышто тудо кум титулым сеҥен налын. Ончышо-влак тудлан эн шуко йӱкым пуэныт. Тудо «Королева Приволжского федерального округа» лӱм дене палемдалтын да конкурсын 3-шо вице-миссше лийын.