23-шо июльышто Курыкмарий районышто «Эмер» самырык-влак слёт шке омсажым почеш. Тыгай пайремым икымше гана эртараш палемдыме. Слётышко мемнан республик гыч, тыгак пошкудо кундемла гычат ӱдыр-рвезе-влак толыт. Пайрем Сухин ял воктенысе Пеледӹш айом эртарыме аланыште лиеш. Вич кече жапыште самырык-влак мемнан тӱвыра, йӱла дене палыме лийыт. Тыгак шкеныштын калыкыштын тӱвырашт дене, вургем ден кочкыш ойыртемышт нерген каласкалаш тӱҥалыт. Кече еда тӱрлӧ палыме еҥ-влак дене вашлиймаш-влак лийыт.