Эр гыч тӱҥалын йӱд марте марий калык дене пырля. Марий Эл Радион вӱдышыжӧ-влак 20 ий жапыште таче чыла колыштшылан поро да лишыл йолташ лийыныт. Тематике передачым, вияш эфирым, концертым вӱдышӧ чолга еҥ-влак таче радиошто ыштыме пашам кузе шарналтат? Марий Эл Радион 20 ияш лӱмгечыжлан пӧлеклалтше тачысе рубрикыште радион выпускник-вӱдышыжӧ-влак дене вашлийынна. Кызыт нуно тӱрлӧ кундемыште илат да тыршат, но кеҥеж каныш дене пайдаланен мыланна интервьюм пуэныт.