Шернур посёлкын Юбилейный площадьше районышто эн тӱҥлан шотлалтеш. 2 тӱжем квадрат метр кумдыкан калыкын тӱшкан погынымо верже жап эртыме дене шке тӱсшым йомдарен, асфальт шартышат шаланен. Тачысе кечын «Оласе йырвелым йӧнаным ыштымаш» кугыжаныш программе почеш посёлкын Юбилейный площадьыштыже тӱзатыме пашам эртарат. Тошто асфальтым кораҥден, брусчаткым пыштат.