Марий шанче литератур эше ик книга дене пойдаралтын. Валериан Васильев лÿмеш йылмым, историйым да литературым шымлыше марий институт «Мутын чеверже, верже, эрже…» лÿман у книгам савыктен. Тудо филологий шанче кандидат, критик-литературовед Аркадий Васинкинын 75 ияш лÿмгечыже лÿмеш лектын. Книгам филологий шанче кандидат, МарНИИ-н вÿдышö пашаеҥже Надежда Федосеева чумырен. Тушко ойырен налме паша-влак пуреныт.