Физкультурникын кечыжлан Йошкар-Олаште шуко мероприятийым эртараш палемденыт. Шушаш каныш кечылаште рӱдоланан тӱрлӧ вере таҥасымаш, мастарлык-класс ден кросс-влак лийыт. «Дружба» стадионышто баскетбол дене «Оранжевый мяч» пӱтынь Российысе таҥасымаш лиеш. Туштак йӱдвел коштмаш дене «Ходьба для всех» фестивальым эртарат. Тиде спорт лач пенсионер-влаклан гына манме чын огыл. Пытартыш ийлаште йӱдвел коштмашыш самырык-влакат ушнат. Фестивальым ямдылыше-влаклан кошташлан тоям шкеак пуат. 8 гыч 80 ияш марте ийготан йӱдвел коштмашым йӧратыше-влакым «Дружба» стадионышко ӱжыт. Участник-влак кок дистанцийым каят.