Калыкын ик эн йӧратыме спектакльжым пӱртӱсыштӧ ончыктат. Шкетан лӱмеш Марий кугыжаныш драме театр «Кавасе алаша» постановкым Морко район Ӱшӱттӱрыштӧ ончыкташ ямдылалтеш. Палемдыман, «Кавасе алаша» спектакль эше 1945 ийыште экраныш лекше «Небесный тихоход» кинофильм негызеш ямдылалтын. Шкетан тетарыште спектакльын премьерыже январьыште лийын да калыкын ик эн йӧратме постановкышкыжо савырнен.