Чоҥалтше храмыште икымше литургий. Советский районысо Алексеевский посёлкышто Серафим Саровский лӱмеш нӧлтен шогалтыме храмыште Божественный литургий эртаралтын. Тудым Пригородный черке округын Благочинныйже протоиерей Николай Ярошевич эртарен. Тудлан Шнаран да Ӱшнӱр селасе храмын настоятельже-влак Валентин Пылаев да Алексий Тарасов полшеныт. Ты пайремыш ятыр калык погынен. Верысе калык храмым чоҥен пытарымым да пашаш колтымым тӱшкан вуча. Литургий деч вара храм кумдыкышто крестный ход дене эртеныт. Ушештарем, Преподобный Серафим Саровский лӱмеш черке «Ял ден селаште изирак храмым чонымаш» программе почеш чоҥалтеш.