«Парым» марий сериалын съемкыжо мучашке лишемеш.Ушештарем, август тылзыште «МЭТР» телеканал Морко районысо Унчо кундемыште Валерий Апакаевын произведенийже почеш марий фильмым сниматла. Тудо авторын «Волгалтше эртыше корнем» книгаштыже савыкталтше произведенийже почеш, Кугу Ачамланде сар деч варасе ялысе да колхоз илыш нерген лиеш. «Найн, фашист» да «Парым» ойлымаш негызеш драматург Владимир Матвеев 5 сериян фильмлан сценарийым возен. Тушто 1946-шо ийласе илыш ончыкталтеш.