Марий Элысе школлашке «Шочмо (марий) литератур» тунемме книга-влакым колтымо. Чылаже 1860 пособий. Нуным 8-9-ше класслаште тунемше-влаклан ямдылыме. Тиде книга-влакын авторышт – Марий Кугыжаныш университетын преподавательже да республикысе школлаште марий йылмым да литературым туныктышо-влак. Тиде учебник-влак тунемме программе дене тӱрыс келшышын да Федерал кугыжаныш тунемме стандартын йодмыж почеш ямдылыме улыт. Тыге, тӱҥ школлан марий литератур предмет дене тунемме книга линейке ямде. Марий туныктыш институт 2017-ше ий гычын Марий Элын туныктыш да шанче министерствын йодмашыже почеш марий йылме дене тунемме-методик изданий-влакым луктеш.