Курыкмарий районышто Йоласал тӱвыра да кидпаша пӧртым 2017-ше ийыште почмо. Тунамак тӱрлӧ студий-влак пашам ышташ тӱҥалыныт. Тӱрлымаш, куымаш, калыкле вургем, уа дене тодмо, пу гыч пӱчкедымаш. Тыгак тушто курыкмарий калыкын вургемжым, ожно кучылтмо арвер-влакым аралат да шымлат. Тудын фондшым пойдараш верысе калыкат полша. Пытартыш жапыште тоштерыште у экспонат-влак ешаралтыныт.