Тимофей Евсеев лӱмеш калыкле тоштерыште 1 сентябрь гыч «Первозданная Россия» лӱман ончер пашам ышташ тӱҥалеш. Тыште Российын фотосӱретчыже-влак элнан сылнылыкшым ончыктат. «Первозданная Россия» кугу проект 2014 ийыште тӱҥалтышым налын. Кажне гана тышке ушнышо-влакын чотышт кушкеш. Т.Евсеев лӱмеш калыкле тоштерыште тиде ончер 2018 ий гыч эрташ тӱҥалын. Тиде гана Российысе пӱртӱс фестивальыште ойыртемалтше паша-влакым луктыт.