Сорла тылзын 29-ше кечыже – Кинде Илян кече. Тиде кече шурнын амбарыш вочмыжым, уржа-сорла тургымын мучашлалтмым ончыкта. А ты паша жапыштыже шукталтын гын, Угинде пайремымат палемдаш лиеш. А кузе тудым тачысе жаплан келыштарен эртарыман? Угинде пайремын тачысе сынже могай? Республикысе Марий тӱвыра рӱдер Угинде пайремым кызытсе жаплан келыштарен, самырык тукымым ушен эртарыме шотышто туныктымо семинарым эртара. Тушко районласе тӱвыра пӧртлаште пашам ыштыше клуб пашаеҥ-влак погынат.