4 сентябрь гыч прививке кампаний тӱҥалын. Специалист-влак август мучашыштак вакцинацийым ыштыме нерген палемденыт. Кызыт профилактике прививкым чыла поликлиникыште ышташ лиеш. Тӱҥжӧ – грипп дене черланыме тургым деч ончыч ыштен шуктыман. Йоча-влаклан вакцинын икымше партийже толын. Мемнан съемочный группына Семёновкысо эмлыме амбулаторийыш миен. Тушто грипп деч ик тӱжемат 920 вакциным налыныт да тачысе кечын 550 еҥлан привикым ыштен шуктеныт.