Козьмодемьянск олан ӱлыл ужышыштыже вашке вес сӱрет лиеш. Тушто чоҥымо паша-влак каят. Тӱзатымаш пашам икмыняр проект почеш ыштат. «Формирование комфортной городской среды» программе почеш Советский, СвердлОв, Лихачев уремласе кумдыкым сылнештарыме верч калык ӱмаште йӱклен. Йолешке-влакланат корным уэмдат. Тыгак Горбунцов лӱмеш паркыште, Муравьёв лӱмеш изуремыште паша ышталтеш. Нуным «Улицы старого Козьмодемьянска» проект почеш олмыктат. Тротуарыш у брусчаткым пыштат. Асфальтымат шареныт. Пытартыш 5 ий жапыште Козьмодемьянск олаште тӱзатыме паша шуко ышталтын.