«Кукнурыш – ӱжеш уэш чонна» - тыге Шернур район Кукнур селан гимнже йоҥга. Тений Кукнур села 32-шо гана шке пайремжым палемден. 30 ий утла пайремым тыглай футбол турнир дене палемденыт . Ий гыч ийыш пайрем кумдаҥын толын, спорт модмаш, конкурс-влак ешаралтыныт. Тенийысе мероприятий Кугу Ачамланде сарыште Сеҥымашын 80-ше идалыкшылан да Шочмо элым аралышын идалыкшылан пӧлеклалтын. Пайрем спорт, тӱрлӧ модмаш да тӱвыра мероприятийлан поян лийын.