Марий Элыште шуко пачеран пӧртлаште тӱшка погым капитально олмыктымаш программе 11 ий пашам ышта. Тудо 2049 ий марте шуйна. Капремонт программе почеш пашам ыштыме шотышто Чыкма ола ик эн сай пример. Тушто илыше-влак шкеныштым чолган ончыктат да сай лектышышке шуыт. Теве мутлан, Чыкма олан 2-шо микрорайоныштыжо 30-шо номеран пӧртыштӧ илыше-влак олмыктымо дене кылдалтше йодыш-влакым пырля тергат.