Курыкмарий драме театрыште у тургымым почаш ямдылалтыт. Каныме деч вара, августышто, пашашке кыртмен пижыныт. Репетиций-влакым кече еда эртарат. У спектакль-влакын текстыштым лудыт. Репертуарыштым эреак пойдарат. Йоча да кугырак-влакланат келшыше постановко-влакым руш да курыкмарий йылме дене шындат. Кызыт, мутлан, руш писатель, публицист Николай Лесковын «Левша» повестьше почеш спектакльын репетицийже-влак каят. Режиссёр-постановщик Станислав Голодницкий.