Российысе финн-угор калык-влакын форумышт кышкарыште Йошкар-Олаште «Мисс финно-Угрия» конкурс эртен. Сеҥышын короныжо тений Одо кундемыш каен. Финн-угор-влакын эн мотор да чолга ӱдыржӧ Софья СнИгирева лийын. Тудо Одо кундемысе ГлАзовский инженерно-педагогический кугыжаныш университетыште кумшо курсышто шинчымашым пога. Удыр историй да обществознаний предмет-влакым туныктышо лиеш. Палемдыман, шке республикыштыже Софья палыме эстраде мурызо. Тудо изиж годсек, мура, ача-аважат мурат.