12-шо – 13-шо сентябрьыште Марий Элын колледж ден техникумлаште «Россия - мои горизонты» лӱман профориентаций сынан Икымше форумын регионысо этапше эртен. Тыгай мероприятийым «Молодёжь и дети» калыкле проект почеш эртареныт. 7-ше гыч 11-ше класслаште тунемше-влаклан ончыкылык профессийым ойырен налаш сай йӧн лийын. Нунылан тачысе кечын йодмаш дене пайдаланыше профессийла нерген каласкаленыт. Сай оборудованиян мастерской-влакым ончыктеныт. Кугурак класслаште тунемше-шамыч школышто тунемме дене пырля шкеныштын икымше профессийыштым ойырен налын кертыныт.