Киндым чапландарат. Республикысе Марий тӱвыра рӱдер шушаш шуматкечын чыла кумылан-влакым Угинде пайремышке пагален ӱжеш. «Угинде» пайрем 20 сентябрьыште Чарла Кремльыште лиеш. Пайремыште фольклор коллектив-влак тӱрлӧ рецепт дене кӱэштме киндым чапландарат, пайрем йӱлам ончыктат. Уна-влаклан ялозанлык продукцийын да пырчан культурын выставкыже, верысе кидмастар-влакын ончерышт лиеш. Ушештарена, Угиндым Марий тӱвыра рӱдер 2014 ий годсек эртара.